Reagimi prekës: Pasi qeni i tyre ngordhi, prindërit befasuan fëmijët me një qenush të ri
18/02/2023
Është gjithmonë e vështirë të humbasësh një kafshë shtëpiake dhe fëmijët mund ta përballojnë këtë humbje jashtëzakonisht vështirë.
Monica Harvey e kupton shumë mirë këtë, ndaj vendosi t'i befasojë fëmijët e saj me një qenush të ri pas vdekjes së qenit të tyre të dashur.
Ajo i befasoi fëmijët me një përzierje Rottweiler dhe Cane Corsa dhe e regjistroi reagimin e tyre ndaj anëtarit të ri të familjes me një aparat fotografik dhe e postoi në TikTok.
“Pasi Duka vdiq në gusht, fëmijëve me të vërtetë u mungonte një qen në shtëpi, për siguri dhe mbështetje emocionale, veçanërisht djali im”, shpjegoi Harvey.
Reagimi prekës i fëmijëve të saj ndaj qenushit të ri ka mbledhur më shumë se 600 mijë shikime dhe mund ta shikoni më poshtë. /Telegrafi/