Xherdan Shaqiri ka shfrytëzuar rrjetet sociale për të reaguar pas fitores së Liverpoolit ndaj Watfordit në kuadër të Ligës Premier.
Liverpooli fitoi në shtëpi ndaj klubit londinez me rezultat 2-0 në takimin e vlefshëm për javën e 17-të në Ligën Premier.
Të dy golat për Reds u shënuan nga ylli egjiptian, Salah, i cili për 1-0 shënoi në minutën e 38-të, ndërsa në minutën e 90-të vulosi fitoren 2-0.
Në këtë takim titullar ishte edhe ylli shqiptar, Xherdan Shaqiri që luajti për 70 minuta deri tek zëvendësimi me Alex Oxlade-Chamberlain.
Pas fitores dhe vazhdimit si lider në Ligën Premier, Shaqiri ka reaguar duke shkruar në rrjetet sociale.
"Fitore e rëndësishme sot! Ju lumtë djema", ka shkruar Shaqiri në profilin e tij në Facebook.
Ndryshe, gjilanasi ishte jashtë fushave për më shumë se një muaj, por u rikthye para dy javësh duke shënuar gol të bukur ndaj Evertonit. /Telegrafi/