Rama për refugjatët: Nuk do të ndërtojmë mure, por as nuk do t’i hapim kufijtë

Kryeministri Edi Rama, gjatë një interviste për gazetën “Frankfurter Allgemeine Zeitung”, në lidhje me refugjatët që mund të kalojnë përmes Shqipërisë drejt vendeve të Schengenit, ka thënë: “Nuk do të ndërtojmë mure. Por, as nuk do t’i hapim kufijtë, sepse kjo do e bënte barrën edhe më të rëndë”.

Ai ka deklaruar se për momentin nuk ka shenja të tilla, ndërsa ka premtuar se pala shqiptare po e vëzhgon situatën me kujdes.

Ai tha po ashtu se Shqipëria ka ofruar strehim të refugjatëve, por parakusht për këtë është një politikë e harmonizuar ndërkombëtare e migrimit. Rama i ka bërë thirrje Bashkimit Evropian që të angazhohet më shumë për t’u ballafaquar me dramën e refugjatëve dhe të mos ua lëre punën faktorëve anësorë si Turqia dhe vendet e Evropës Juglindore.