Raportohet se Mino Raiola tentoi të transferojë Mauro Icardin te Manchester Unitedi, por sulmuesi nuk dëshironte të ndërronte agjentët.
Kapiteni i klubit italian ka agjent gruan e tij, Wandan, dhe tashmë ka filluar bisedimet për rinovim të kontratës.
Sipas Corriere dello Sport, agjenti Raiola dëshironte të transferonte atë te Manchesteri dhe kishte një ofertë në tavolinë nga Djajtë e Kuq.
Por, Raiola gjithashtu dëshironte të bëhej agjent i argjentinasit, por Icardi e refuzoi këtë duke thënë se në planet e tij është vetëm Wanda.
Klauzola aktuale e Icardit është rreth 100 milionë euro.
Gjithsesi me kontratën e re që pritet të nënshkruajë me klubin nga Milano, ajo pritet të rritet dukshëm.
Këtë sezon Mauro ka shënuar 18 gola dhe ka dhuruar një asistim në 24 javët e para. /Telegrafi/