Qeveria e Maqedonisë sot do të mbajë seancë, disa pika në rend dite

Qeveria sot do të mbajë seancë në të cilën do të rishikojë disa propozime. Mes tjerash në rend dite do të jetë informacioni për konvertimin e mjeteve nga projekti për rrugë kombëtare, faza e dytë, për ndërtimin e rrugëve Ohër-Peshtani dhe Trebenisht-Strugë, si dhe informacioni për servisimin e borxhit për ujë të institucioneve publike nga fusha e shëndetësisë.

Do të diskutohet edhe për projektin e sistemit inteligjent të transportit dhe për vendosjen e gardheve mbrojtëse në rrugën "Korridori 10", përcjell Telegrafi Maqedoni.

Ministrat do të rishikojnë gjithashti listën e dokumenteve që ministritë në pajtim me ligjin janë të detyruar t'i publikojnë në web-faqet e tyre, ndërsa do të vendosin për propozimin e ndërprerjes së shfrytëzimit të përhershëm të pronave të Shoqatës për bashkim shpirtëror.

Sekretari i përgjithshëm i qeverisë do ta rishikojnë propozim-vendimin për dhënien e inkubatorëve disa klinikave në vend, ndërsa gjithashtu do të rishikohet edhe raporti për pengimin e punës së Avokatit të Popullit./Telegrafi/