Reperi i njohur nga Gjilani, Feronit Shabani-Fero, ka nisur punën për një album të ri.
Ai madje kërkoi nga fansat t’ia mbledhin mbi 200 mijë euro për ta ndihmuar në realizimin e “Goat”.
Artisti shqiptar ka shpërndarë disa video të reja, përmes të cilave ka dhënë edhe disa detaje për këngët e këtij albumi.
24-vjeçari shton se është albumi më i fortë në histori dhe se më këtë video do të dëshpërohen të gjithë artistët.
Fero kërkon nga fansat t'ia mbledhin mbi 200 mijë euro për ta ndihmuar në albumin e tij të ri “Goat”
“Albumi më i fortë në histori. Dëgjoni këto gjashtë video, me këto video dëshpërohet çdo ‘artist’ që i thotë vetit ‘artist’ por kjo nuk është as pesë për qind çka është albumi”, u shpreh Fero.
“Zyrtare albumi është gati për lansim për shumë pak kohë. Këto ditë ju lajmëroj për datën e lansimit”, tha më tej ai.
Në iniciativën që ka nisur, reperi mori përkrahje të mëdha dhe ka mbledhur një shumë të konsiderueshme parash. /Telegrafi/