09/06/2021
Ashtu siç kishte paralajmëruar, Leron, ditën e sotme (e mërkurë) ka publikuar ‘freestyle-n’ e ri.
“Pepper Lemon” mban titullin ky projekt, të cilin e ka shoqëruar me një paraqitje atraktive e po ashtu edhe me titra.
Tekstin e ka shkruar vet reperi, kurse për miksimin dhe masterizimin është përkujdesur Bergin Demaj.
Kjo ndërkohë thuhet të jetë inspiruar nga artisti i popullarizuar kanadez, Aubrey Graham, i njohur si Drake.
Këngën tashmë të plotë e gjeni në YouTube dhe besohet se do ketë suksesin e merituar nga publiku.
Leron Kurteshi përndryshe deri më tani ka sjell një sërë projektesh të suksesshme në zhanrin muzikor hip-hop. /Telegrafi/