Prizren, arrestohet një person pasi iu gjet armë në veturë
16/09/2025
Policia e Kosovës ka arrestuar një person në Prizren, pasi gjatë kontrollit në automjetin e tij është gjetur dhe sekuestruar një pistoletë me gaz dhe një karikator me katër fishekë.
"Është arrestuar i dyshuari mashkull kosovar, për shkak se gjatë kontrollit në veturën e tij është gjetur dhe sekuestruar një pistoletë me gaz dhe një karikator me katër fishekë", thuhet në raportin e policisë.
Sipas njoftimit zyrtar, pas procedurave të para dhe inicimit të rastit, me vendim të prokurorit të shtetit, i dyshuari është dërguar në mbajtje. /Telegrafi/