Policia ndalon dy kamionë me dru pa dokumente në Podujevë

Dy raste të transportit të kundërligjshëm të drunjve janë evidentuar nga policia në fshatin Lluzhan të Podujevë.

Sipas policisë, rreth orës 02:20, gjatë patrullimit në fshatin Lluzhan, është ndaluar një kamion i drejtuar nga një i dyshuar mashkull kosovar, në të cilin ishte e ngarkuar një sasi drunjsh për djegie pa dokumentacionin përkatës dhe pa fletë përcjellëse.

Një rast i ngjashëm është evidentuar edhe rreth orës 03:10 në të njëjtin fshat, ku policia ka ndaluar një tjetër kamion me drejtues mashkull kosovar që transportonte dru për djegie pa dokumentet e nevojshme.

Në të dy rastet, masa drunore është konfiskuar dhe është dërguar për matje në Agjencia e Pyjeve e Kosovës.

Pas intervistimit nga policia, me vendim të prokurorit të dyshuarit janë liruar në procedurë të rregullt, ndërsa rastet po hetohen.