Po asfaltohen rrugët në Kërrninë të Ulët të Istogut

Komuna e Istogut ka nisur punimet për asfaltimin e rrugëve në lagjet e Kërrninës së Ulët.

Ky investim synon përmirësimin e qarkullimit dhe lehtësimin e jetës së banorëve të zonës, përcjell Telegrafi.

Kryetari i Komunës, Ilir Ferati, përmes një mesazhi për qytetarët, shprehu kënaqësinë për punimet e nisura dhe uroi ditë të mbarë të gjithë banorëve.

Pamjet nga terreni tregojnë avancimin e punimeve dhe përkushtimin e komunës për zhvillimin e infrastrukturës lokale. /Telegrafi/