18/10/2016
Miralem Pjanic ka treguar se Juventusi ka skuadër shumë më të qëndrueshme në krahasim me atë të Romës.
Mesfushori boshnjak kaloi te Bianconerët gjatë verës, ndërsa Zonja e Vjetër e aktivizoi klauzolën duke ua rrëmbyer Giallorossëve.
“Kam ardhur te Juve që të fitoj tituj. Kjo është ajo që më ka munguar më së shumti, ndërsa Juventusi është klubi i përsosur për të arritur diçka të tillë. Këtu ka kulturë triumfuese në çdo nivel”.
“Juve ka qëndrueshmëri të paraqitjeve dhe forcë që i çon gjithmonë deri në fund. Është një makineri e madhe, e vështirë për t’u përballur”, ka deklaruar Pjanic për France Football. /Telegrafi/