Papa Françesku thotë se pandemia e coronavirusit mund të jetë “përgjigja e natyrës” ndaj krizës ekologjike
Papa Françesku ka thënë se pandemia e coronavirusit është një nga "përgjigjet e natyrës" ndaj njerëzve, si pasojë e injorimit të krizës aktuale ekologjike, përcjell Telegrafi.
Në një intervistë të botuar të mërkurën në revistat The Tablet dhe Commonwealth, ai tha se shpërthimi ka ndaluar shkallën e prodhimit, duke i dhënë edhe njerëzve mundësinë të kuptojnë bukuritë natyrore.
“Ne nuk po kujdesemi për katastrofat natyrore. Kush flet tani për zjarret në Australi, e përmbytjet?”, ka thënë Papa Françesku.
“Nuk e di nëse mund të quhet si hakmarrje, mirëpo sigurisht që ky virus figuron si përgjigje ndaj natyrës”, shtoi ai.
Pandemia ka ndryshuar rrënjësisht mënyrën e funksionimit të Vatikanit, pasi meshat tani po mbahen në kishë të zbrazët, ndërsa edhe vendet janë boshatisur.
Papa 83-vjeçar, i cili ka një pjesë të mushkërive të dëmtuara nga një infeksion në të 20-tat, ka rezultuar dy herë negativ nga coronavirusi. /Telegrafi/