Pamjet e trupit të pajetë të turistit rus në Himarë (Video)
Vazhdon të mbetet mister mjeti lundures që vrau pushuesin rus në det, Denis Kaimov, diku mes Himarës dhe Livadhit.
AbcNews publikoi sot pamjet e skafit të të akuzuarit të vetëm për ngjarjen, Fatmir Kuçit, duke sjell në breg trupin e Kaimovit.
Në video duket skafi i tij që vjen nga një distancë e largët nga bregu.
“Një milje larg”, pretendon avokati i Fatmir Kuçit, një distancë që duket se lehtëson pozitat e të akuzuarit.
Sipas ligjit, pushuesit nuk duhet të lahen më shumë se 200 metra nga bregu i HImarës.
Vendi ku u gjet trupi i pushuesit rus Denis Kaimov, është i papërcaktuar. Policia nuk bëri rrethimin e vendit të ngjarjes, duke lënë të paqartë një detaj kyç për ngjarjen.
Sipas Prokurorisë, në pjesën e brendshme të skafit janë gjetur shenjat e gjakut të viktimës. Por, Fatmir Kuçi pretendon se njollat e gjakut në skaf janë pasi ai mori trupin e pushuesit për ta nxjerrë në breg.
Në video duket edhe një gomone tjetër që ndjek skafin me trupin e Kaimovit. Pretendimi i Kuçit është se në vendin e ngjarjes kalonin edhe mjete të tjera lundruese dhe ka qenë një prej tyre që ka vrarë aksidentalisht rusin.