Misioni i OSBE-së në Kosovë, ka përgëzuar Policinë e Kosovës për identifikimin dhe arrestimin e të dyshuarit për vrasjen e rëndë të 11-vjeçarit ashkali në Fushë Kosovë.
"Reagimi i shpejtë i policisë tregon se komunitetet e cenueshme nuk do të shpërfillen," ka thënë shefi i Misionit të OSBE-së në Kosovë, Ambasadori Jan Braathu, transmeton Telegrafi.
Misioni i OSBE-së i shpreh ngushëllimet më të thella familjes së viktimës.
Ndryshe, Policia e Kosovës gjatë ditës së djeshme ka arrestuar një person të dyshuar për vrasjen e të miturit në Fushë Kosovë, ndërsa me urdhër të prokurorit kompetent personi i dyshuar është intervistuar në prezencë të avokatit mbrojtës dhe pas intervistimit është dërguar në mbajtje për procedura të mëtejme ligjore./Telegrafi/