08/07/2020
Këngëtarja e mirënjohur Era Istrefi pak ditë më parë festoi ditëlindjen e saj të 26-të.
Megjithatë, mbrëmë i është organizuar një festë e veçantë nga motra e saj e madhe, Nora Istrefi.
Kjo e fundit ka zgjedhur shtëpinë e saj luksoze për t’ia festuar ditëlindjen Erës me një organizim e dekor unik.
“Parti surprizë nga Renee për ditëlindjen e tezes së saj që e do shumë”, ka shkruar ajo.
Në fotografitë që ka ndarë me ndjekësit në rrjetet sociale, Era dhe Nora rrëmbejnë vëmendje të madhe me dukjen e tyre ekstravagante.
Në pamjet e publikuara, Nora është përkujdesur për çdo detaj dhe e gjitha është në rozë.
Motrat Istrefi ruajnë raporte mjaft të mira me njëra-tjetrën dhe kjo tanimë është dëshmuar në çdo paraqitje të tyre. /Telegrafi/