Një nga pesë të vdekurit në rrëzimin e helikopterit në Leicester City ishte ish-mbretëresha e bukurisë së Tajlandës.
Pronari miliarder i klubit anglez, Vichai Srivaddhanaprabha është konfirmuar se ka vdekur pas rrëzimit të tmerrshëm të helikopterit.
Së bashku me të ishte edhe Nursara Suknamai, e cila ishte një mbretëreshë joshëse e bukurisë, e cila u rendit si e para në "Miss Universe Thailand 2005".
Po atë vit ka fituar edhe çmimin e "Miss Photogenic" në konkursin e bukurisë që ishte mbajtur në Bangkok.
Ajo ishte aktive në mediat sociale, duke postuar rregullisht fotografi të ndryshme duke përfshirë vendet e tilla, si Italia, Japonia dhe Greqia.
Bukuroshja gjithashtu ishte fanatike e fitnesit, shpesh duke ndarë videot gjatë ushtrimeve në palestër dhe yoga në Instagram.
Ajo vdiq pasi helikopteri u ngrit 200 metra lart dhe u rrëzua në parkun e makinave në stadiumin King Power, rreth orës 20:30 të shtunën. /Telegrafi/
