Një i mitur sulmoi fizikisht disa persona në Drenas
20/10/2023
Një i mitur është arrestuar për shkak se kishte sulmuar fizikisht viktimat duke ju shkaktuar lëndime trupore.
Në raportin 24 orësh të Policisë së Kosovës bëhet e ditur se rasti ka ndodhur të enjten rreth orës 17:30, në Drenas.
Tutje bëhet e ditur se viktima kanë pranuar trajtim mjekësor, ndërsa i dyshuari me vendim të prokurorit është dërguar në mbajtje.
“Është arrestuar i dyshuari mashkull kosovar (i mitur) për shkak se kishte sulmuar fizikisht viktimat meshkuj kosovarë duke ju shkaktuar lëndime trupore. Viktimat kanë pranuar trajtim mjekësor, ndërsa i dyshuari me vendim të prokurorit është dërguar në mbajtje”, thuhet në raport. /Telegrafi/