Një person është arrestuar me dyshimin për "vrasje pa paramendim përmes një akti të paligjshëm" në lidhje me vdekjen e futbollistit argjentinas, Emiliano Sala, i cili e humbi jetën muajin janar.
Sulmuesi që kishte nënshkruar për Cardiff Cityn, po udhëtonte nga Nantes për në Angli më 21 janar, kur aeroplani u rrëzua dhe ai e humbi jetën së bashku me pilotin David Ibbotson.
Policia e Dorsetit ka njoftuar se një 64 vjeçar nga North Yorkshire është arrestuar dhe është nënë hetime.
Njëherësh në njoftimin e policisë thuhet se për arrestimin janë njoftuar dy familjet e viktimave, ndërsa nuk janë dhënë detaje në lidhje me përfshirjen e të arrestuar në këtë rast.
Trupi i pajetë i Sala u nxor nga rrënojat e aeroplanit në muajin shkurt, ndërsa trupi i Ibbotson nuk është gjetur. /Telegrafi/