Një dysheme mozaiku gjendet në vreshta të Veronës në Itali

Një dysheme mozaiku romake është zbuluar në vreshta, në veri të Italisë, pas kërkimeve të shumta në dekada.

Sipas mediave të huaja, përcjell Telegrafi, studiuesit në komunën e Negrar di Valpolicella në veri të Veronës, publikuan imazhe të pllakave të "varrosura" disa metra nën tokë.

Zyrtarët thonë se ata gjetën së pari prova të një vile romake, e vjetër prej më shumë se një shekulli, ndërsa janë duke gërmuar akoma butësisht për të parë shtrirjen e plotë të ndërtesës antike.

Fotografitë e publikuara më poshtë tregojnë mozaikun si dhe themelet e vilës.

Sipas një shkrimi në uebfaqen e këtij vendi, thuhet se gërmuesit më në fund e bënë zbulimin “pas dekadash përpjekjesh të dështuara”.

Lidhur me këtë rast arkeologët do të bashkëpunojnë me pronarët e vreshtit dhe bashkisë, për të gjurmuar më tej për këtë thesar të fshehur arkeologjik. /Telegrafi/