Edhe pse Nicole Kidman flet rrallë për fëmijët që i ka adoptuar së bashku me Tom Cruise, në një intervistë për Vanity Fair ka treguar disa detaje rreth tyre.
Pas divorcit, Isabella dhe Connor Cruise jetonin me babanë e tyre, të cilët u rritën në frymën e Kishës së Scientologjisë, anëtar i së cilës është ylli hollivudian.
Thuhej se shkurorëzimi me Cruise kishte ndodhur pikërisht për shkak se aktori ishte tepër i dhënë pas scientologjisë.
Për shkak të kësaj, Nicole, e cila nuk është një adhuruese e atij besimi, humbi shumë momente në jetën e fëmijëve, një prej tyre ishte martesa e 26-vjeçares Isabelle, transmeton KP.
“Bella jeton jashtë Londrës. Ajo me të vërtetë ndihet si një britanike. Ne jetuam atje, ndërkohë që xhiruam 'Eyes Wide Shut', 'Mission Impossible', por edhe 'The Portrait of a Lady'. Të dy kishim theksin britanik", ka treguar aktorja.