Reperi nga Gjilani, Fero, tash e disa muaj është duke e shijuar romancën me partneren e tij, Arbenita Ismajlin. Dyshja momentalisht janë në pushime në Greqi, ku po kalojnë kohë mjaft të mirë pranë njëri-tjetrit.
Fero është mjaft aktiv edhe në rrjetet sociale, ku ndan momente të lumtura e mjaft të veçanta me ndjekësit e tij. Krahas imazheve me Arbenitën, ai ka njoftuar fansat se së shpejti po vjen me këngë të re.
"Ride or Die, së shpejti", ka shkruar Fero në videon e publikuar në Instagram.
Disa ditë më parë çifti “provokoi” përdoruesit e rrjeteve sociale me një postim që ishin ndarë, por që në fund rezultoi se ishte një shaka e cila nxori në pah sipas Arbenitës, të gjithë urrejtjen e njerëzve.
Ndryshe, lidhja mes tyre u zbulua në muajin tetor të vitit të kaluar përmes disa fotografive të përbashkëta. /Telegrafi/