Diego Carlos është njëri nga mbrojtësit më të vlerësuar këtë edicion në futbollin spanjoll.
Qendërmbrojtësi brazilian ka shkëlqyer me Sevillën, duke zgjuar interesimin e shumë skuadrave të mëdha evropiane.
E pas paraqitjeve të mira, vështirë të besohet se Diego Carlos do të mbetet në Ramon Sanchez Pizujan, kur kem parasysh faktin që shumë klube e duan atë.
Marca ka raportuar se janë plotë tetë skuadra të mëdha evropiane që kanë shprehur dëshirë për transferimin e lojtarit.
Barcelona pe kërkon në La Liga, ndërsa edhe Bayern Munich e Paris Saint Germain kanë shprehur interesim për të.
Gjithsesi e ardhmja e lojtarit duket se do të jetë në Angli, pasi aty kërkohet nga një numër më i madh i skuadrave.
Liverpool, Arsenal, Tottenham Hotspur, Manchester City dhe Manchester United kanë shprehur dëshirë për transferimin e tij.
Arsenali është skuadra e fundit që i është bashkuar garës për brazilianin, me trajnerin Arteta që i ka kërkuar klubit të bëjë çmos për transferimin e Diego Carlosit në Emirates Stadium.
27-vjeçari vlerësohet lartë në tregun e transferimeve dhe duket e vështirë që Sevilla ta lë të lirë pa u paguar shuma prej 50 milionë eurove. /Telegrafi/