Nesër mbyllet për qarkullim rruga “Muharrem Fejza”

Komuna e Prishtinës ka njoftuar qytetarët se nesër nga ora 08:00-17:30 rruga "Muharrem Fejza", në segmentin nga rrethrrotullimi me rrugën "Bahri Fazliu" e deri te rrethrrotullimi me atë "Enver Maloku" do të jetë e mbyllur për qarkullim, për shkak të asfaltimit.

“Lusim qytetarët që mundësisht të shërbehen me rrugë alternative”, thuhet në njoftimin e Komunës së Prishtinës./Telegrafi/