Në pritje të fëmijës së parë? - Genta Ismajli flet për planet e shtatzënisë

Këngëtarja e njohur shqiptare, Genta Ismajli, kohëve të fundit është kthyer në qendër të vëmendjes.

Kjo, jo vetëm për shkak prurjeve të reja muzikore, por edhe për udhëtimet e jetën luksoze që bën në përgjithësi.

Ajo ditën e djeshme (e hënë) është shfaqur në një intervistë për Syri Televizion, ku tregoi për planet e shtatzënisë.

E pyetur se kur do të sjellë në jetë fëmijën e saj të parë, Genta dha një përgjigje të shkurtër.

“Ndoshta vitin tjetër”, është shprehur këngëtarja shqiptare.

Bukuroshja brune tash e një kohë të gjatë është duke shijuar jetën e re përkrah të dashurin Huseyin Usta.

Çifti i dashur për audiencën janë tejet aktiv në rrjete sociale, duke pozuar së bashku në pothuajse secilin postim. /Telegrafi/