Radja Nainggolan dhe Davide Astori kanë qenë miq shumë të mirë.
Dy futbollistët shkëlqimin më të madh e patën te Cagliari para se t’i bashkoheshin Romës.
Vdekja e mbrojtësit qendror e ka tronditur mesfushorin belg të Romës, Radja Nainggolan.
29-vjeçari ka shkruar se Astori ishte një lojtar dhe njeri i madh dhe se ende nuk po mund të besoj për vdekjen e tij.
“Një lojtar i madh por edhe njeri më i madh. Sa shumë beteja kaluam së bashku me Cagliarin pastaj Romën”.
“Ende nuk mund të besoj... mendimet e mija tani shkojnë për familjen dhe shoqërinë. Prehu në paqe”, ka shkruar Nainggolan.
Astori sot u gjend i vdekur në një hotel ku po qëndronte klubi i Fiorentinës para ndeshjes me Udinesen.
Pas vdekjes së ish-reprezentuesit italian, të gjitha ndeshjet në Serie A janë anuluar. /Telegrafi/