Një video rrëqethëse e filmuar nga një pasagjer brenda aeroplanit, shfaq momentin kur krahu i djathtë i aeroplanit fillon të lirojë kerozinë dhe tym derisa po bëhej gati të aterronte.
Josh Jacobs qytetar i Bostonit të Shteteve të Bashkuara, po kthehej me aeroplan nga Shangai kur dëgjoi paralajmërimin nga kabina e pilotit, se detyrohen të bëjnë ulje emergjente në Montreal të Kanadasë, transmeton Telegrafi.
“Vetëm disa momente para se të aterronim, e kuptuam se diçka nuk është në rregull. Të gjithë që ishin në aeroplan dëgjuan tinguj të çuditshëm derisa po bëheshim gati të aterrojmë”, ka deklaruar Jacobs.
Zyrtarët e aviokompanisë kanë deklaruar pagazetarëve se aeroplani Boeing 787, ka ndjekur procedurat standarde duke zbrazur rezervuarin dhe fikur motorin e djathtë i cili ishte përfshirë nga flaka. /Telegrafi/