Mirlind Daku shënon në minutat e fundit, Osijek fiton derbin e shqiptarëve ndaj Lokomotiva Zagreb

Osijek ka shënuar fitore me rezultat 3-1 ndaj Lokomotiva Zagreb në kuadër të javës së 16-të në Superligën e Kroacisë.

Sulmuesi ynë, Mirlind Daku ishte vendimtar në këtë takim duke gjetur golin në fundin e saj.

Daku u fut në lojë në minutën e 79-të, kur rezultat ishte 1-1.

Ai gjeti golin në minutën e 88-të të takimit për t’i dhënë epërsinë Osijekut për 2-1.

Ndeshja u mbyll 3-1, pasi vendasit shënuan edhe një herë në kohën shtesë.

Te Lokomotiva u paraqitën Enis Çokaj, Arber Hoxha dhe Idrit Tuci.

Osijeku është lider me 34 pikë, ndërsa Lokomotiva zë vendin e 5-të me 22 pikë. /Telegrafi/