Franck Kessie është njëri nga lojtarët kryesorë këtë edicion te Milani.
Mesfushori nga Bregu i Fildishtë ka shkëlqyer me Rossonerët dhe po vlerësohet si një nga më të mirët këtë vit në Itali.
24-vjeçari ka shënuar shtatë gola dhe ka bërë tre asistime në 20 ndeshje në Serie A.
Rossonerët duan ta mbajnë lojtarin edhe më gjatë, duke i ofruar kontratë të re deri në vitin 2026.
Drejtuesit e Milanit i kanë ofruar edhe pagë më të lartë, nga 2,2 milionë sa fiton lojtari në vit në tre milionë, por kjo duket se nuk e ka kënaqur atë.
Kontrata aktuale e mesfushorit me Milanin skadon në verën e vitit 2022 dhe për lojtarin ka interesime të mëdha.
Megjithatë sipas medieve italiane lojtari dhe agjentët e tij i kanë bërë të ditur Milanit se duhet të ofrojnë tjera kushte për të nënshkruar ky vazhdimin e kontratës.
Kessie është njëri nga më të mirët në pozitën e tij në Serie A dhe duket se kërkon pagë mbi katër milionë euro në sezon. /Telegrafi/