15/08/2020
Mbretëria e Bashkuar ka raportuar rreth 1,000 raste të reja nga coronavirusi të shtunën, duke shënuar edhe ditën e pestë radhazi me këtë shifër.
Sipas medieve të huaja, përcjell Telegrafi, numri i përgjithshëm i rasteve në vend u rrit në 317 mijë.
Britania raportoi gjithashtu edhe tre të vdekur, duke e çuar numrin e përgjithshëm të viktimave në 41 mijë.
Ndryshe, numri i përgjithshëm i të prekurve në botë ka shkuar në 21 milionë, ndërsa raportohet se 767 mijë persona kanë ndërruar jetë deri më tani.
Vendi më i goditur botërisht nga sëmundja e COVID-19 është SHBA-ja me 5.3 milionë të prekur dhe me 168 mijë të vdekur. /Telegrafi/