01/10/2017
Edhe një incident në një koncert të yllit të rokut botëror, por që fatmirësisht nuk pati pasoja në njerëz.
Në skenën e koncertit të Marylin Manson në New York ishin vendosura dy armë të mëdha të improvizuara.
Këto të fundit ranë mbi yllin e rokut, i cili është lënduar rëndë, por është jashtë rrezikut për jetë.
Ai po këndonte këngën Sweet Dreams mbrëmjen e së shtunës (30 shtator) kur armët e mbajtura me skele ranë mbi Mansonin.
Fansat e ndihmuan këngëtarin dhe e dërguan në spital për të marrë ndihmën mjekësore, por nuk dihet se sa serioz është lëndimi i 48-vjeçarit.
Ndryshe, këngëtari ka planifikuar edhe disa koncerte në shtetet evropiane, por pas këtij incidenti nuk dihet nëse do të zhvillohen. /Telegrafi/