Mansory e bën Mercedes V-Class edhe më luksoz

Nëse ka një markë që ka bërë emër duke i çuar veturat në një nivel më të lartë me modifikimet e saj dhe disa do të thonë se shpesh e tepron, atëherë është Mansory.

Këtë herë, Mansory i kushtoi vëmendje Mercedes V-Class.

Marka prezantoi krijimin e saj në Shangai, dhe modifikimet kanë bërë që modeli të duket si Rolls-Royce, përcjell Telegrafi.

Nga pjesa e përparme, te rrotat, detajet e karbonit, pasqyrat anësore, Mansory ka ndryshuar pamjen e Mercedes V-Class.

Furgonat janë tashmë mënyra më e rehatshme dhe praktike për të transportuar njerëzit, dhe kur merrni parasysh këtë faktor dhe pasurinë e Mansory, ky kombinim funksionon shkëlqyeshëm. /Telegrafi/