Manchester City ka etiketuar dy futbollistët që dëshiron t'i transferoj në skuadër gjatë afatit kalimtar veror.
Qytetarët dominuan totalisht Ligën Premier këtë sezon, duke u shpallur kampion katër apo pesë javë para përfundimit.
Megjithatë, skuadra angleze nuk po arrin të ketë sukses në Evropë pasi u eliminuan në çerekfinale nga rivalët e Liverpoolit.
Ky dështim në Ligën e Kampionëve tash e dhjetë vite pas blerjes nga sheikët ka bërë që drejtuesit të shikojnë edhe më shumë për përforcimin e skuadrës.
Sipas mediumit britanik Daily Mail, drejtuesit e Cityt kanë etiketuar dy emra për të përforcuar skuadrën gjatë afatit të verës.
Anësori maroken i Leicester Cityt, Riyad Mahrez dhe mesfushori italo-brazilian i Napolit, Jorginho, janë dy futbollistët që i duan të City.
Mahrez është një dëshirë e madhe e trajnerin Pep Guardiola dhe drejtuesit kanë gati 60 milionë funte apo 68 milionë euro për shërbimet e tij.
Edhe Jorginho pëlqehet shumë nga Guardiola dhe drejtuesit duan t'ia plotësojnë kërkesën duke ofruar 50 milionë funte apo 57 milionë euro për të, që mendohet se janë të mjaftueshme. /Telegrafi/