Llazari: U dogjëm nga dëshira e madhe për fitore
02/11/2014
Rumania mbrëmë në Prishtinë mundi Kosovën edhe në ndeshjen e kthimit me rezultat 30-16, në kuadër të takimeve para-kualifikuese për Evropianin 2018.
Llazari thotë se e ka menduar të më lehtë përballjen e kthimit me rumunët. Ai thotë se mbrojtja nuk ishte në nivelin e duhur.
“Nga dëshira e madhe, hendbollistët u dogjën dhe nuk arritën të tregojnë lojën e pritur. Kemi menduar se do ta kemi më lehtë para shikuesve tanë, por lojtarët kishin emocione të tepruara. E kam thënë se mbrojtja e fiton ndeshjen, por sonte edhe mbrojtja nuk ishte në nivelin e duhur”, ka thënë Llazari. /KP/Telegrafi/