Lladrovci mbetet te Feronikeli
15/07/2015
Lladrovci ishte një ndër lojtarët më meritor për sukseset e Feronikelit edicionin që lamë pas, ku u shpall kampionë i Kosovës dhe fitoi ‘Digitalb Kupën e Kosovës’.
Lajmin për vazhdimin e kontratës e ka konfirmuar vetë lojtari nëpërmjet një postimi që ka bërë në rrjetin social Facebook.
“Jam i lumtur që kam vazhduar kontratën edhe për një vit te Ferronikeli. Falënderoj kryesinë që ishin këmbëngulës për vazhdimin e kontratës si dhe të gjithë tifozët e klubit të Feronikelit”, shkroi ndër tjera Lladrovci.
Ai ka treguar se kishte edhe dy oferta të rëndësishme nga skuadrat e Shqipërisë si Bylysi dhe Teuta por në fund vendosi të mbetej te Ferronikeli. /Telegrafi/