Liga Premier si duket i ka lejuar Liverpoolit të vendos emblemën e Kupës së Botës për Klube në fanellën e tyre.
Liverpooli është shpallur kampion i botës për klube për herë të parë në histori, pasi mposhtën në finale Flamengon me rezultat 1-0 në një ndeshje të tensionuar.
Nga kjo arritje, skuadra angleze e ka të mundur ta bartë emblemën e trofeut në fanellën e tyre në ndeshjet e Ligës së Kampionëve, por u tha se nuk munden edhe në Ligën Premier.
Për ta bartur këtë emblemë në fanellën e ndeshjeve të Ligës Premier u raportua se duhet një kërkesë e veçantë nga klubi.
Si duket, Reds kanë kryer aplikimin dhe tani pritet t’i lejohet bartja e emblemës në fanellë, edhe për ndeshjet e Ligës Premier.
Një gjë të tillë, Liverpooli pritet ta bart në ndeshjen e sotme ndaj Wolves nga ora 17:30 në Anfield. /Telegrafi/