Me rezultat 2-0, Liverpooli ka pësuar humbje nga Crvena Zvezda, në ndeshjen e xhiros së katërt të fazës grupore të Ligës së Kampionëve.
Sfida e vlefshme për Grupin C u zhvillua në Beograd, ndërsa vendasit arritën të shënonin dy herë në pjesën e parë.
Pas një harkimi në zonë nga Marko Marin, Milan Pavkov shënoi me kokë (22') duke e zhbllokuar rezultatin.
Nuk kaluan as shtatë minuta (29') dhe i njëjti futbollist e dyfishoi epërsinë duke e dërguar skuadrën e tij në pushim me avantazh komod.
Në gjysmën e dytë, mysafirët u përpoqën t'i kthenin gjërat në favorin e tyre, mirëpo pa sukses.
Përkundër lojës ofensive dhe tentimit për të ndërtuar aksione, të zgjedhurit e Jurgen Klopp dështonin në fazën finale.
Në këtë mënyrë, pas katër xhirosh, Liverpooli numëron dy fitore dhe dy humbje, dhe qëndron në kuotën e gjashtë pikëve.
Ndeshja e ardhshme e skuadrës angleze zhvillohet në kryeqytetin francez, si mysafir i Paris Saint Germainit. /Telegrafi/