Liverpooli ka fituar me rezultat 5-3 ndaj Chelseat ndeshjen e vlefshme për javën e 37-të në Ligën Premier.
Ekipi i Jurgen Klopp ka arritur ta fitojë ndeshjen e tyre në fundit të sezonit në shtëpi, pasi kanë mposhtur rivalët e Chelseat në trilerin e tetë golave.
Kjo fitore e Reds ka shije të mirë, pasi vjen në ditën kur ata do ta ngrenë lartë trofeun e Ligën Premier të fituar pas plot 30 viteve.
Pjesa e parë e ndeshjes u karakterizua me dominim të vendasve, të cilët përveç rasteve të shumta arritën të shënojnë edhe tri gola, kundrejt një të Chelseat.
Goli i parë i ndeshjes erdhi në minutën e 23-të dhe ishte Naby Keita, i cili me një gol të bukur nga distanca shënoi për 1-0, ndërsa Trent Alexander-Arnold (38’) me një supergol nga gjuajtja e lirë qoi epërsinë në 2-0.
Liverpooli gjeti edhe një gol në minutën e 43-të me anë të Georgino Wijnaldum për 3-0, ndërsa Olivier Giroud (45+) dërgoi skuadrat në pushim me rezultat 3-1.
Edhe pjesa e dytë ishte e mirë, me shumë raste dhe katër gola të shënuar, dy gola nga secila skuadër.
Të parët përsëri ishin Reds që shënuan me anë të Roberto Firmino (55’) për 4-1, ndërsa Blutë pastaj ngushtuan me Tammy Abraham (61’) për 4-2 dhe Christian Pulisic (73’) për 4-3.
Në fund të ndeshjes, Liverpooli gjeti edhe një gol me anë të Alex Oxlade-Chamberlain (84’) për 5-3 dhe ky goli të ishte rezultati përfundimtar i takimit.
Pas kësaj fitore, Reds kanë 96 pikë në vendin e parë, ndërsa Chelsea renditet i katërti me 63 pikë.
Në ndeshjen e fundit të sezonit, Blutë do të kërkojnë kualifikimin në Ligën e Kampionëve me një ndeshje në shtëpi ndaj Wolves, ndërsa Reds udhëtojnë për prestigj te Newcastle. /Telegrafi/
https://twitter.com/OnlyFootballCl1/status/1286026837668311043
https://twitter.com/LFCTransferRoom/status/1286028595442454533
https://twitter.com/FootballGoalss_/status/1286029464401575936
https://twitter.com/Oshmo8/status/1286038461196230657
https://twitter.com/OnlyFootballCl1/status/1286037564978278403