Lewandowski reagon pas lidhjeve të tij për një transferim te Juventusi dhe Milanin

Sulmuesi i Barcelonës, Robert Lewandowski, i është përgjigjur thashethemeve që e lidhin atë me një transferim te gjigantët e Serie A, Juventusi dhe Milani.

Italia mund të jetë destinacioni i radhës i Lewandowskit, me kontratën e tij që skadon në fund të sezonit.

Për thashethemet e transferimit të tij në dy nga klubet e mëdha italiane, “Lewa” u përgjigj shkurtimisht: "E dini çfarë... Do të flasim së shpejti."

Barca po planifikon t’i ofrojë atij një rinovim njëvjeçar me një ulje të ndjeshme të pagave, ndërsa ai gjithashtu duhet të pajtohet me një rol dytësor në skuadër sezonin e ardhshëm.

37-vjeçari po merr kohën e tij për të vlerësuar propozimin e Barcës dhe ofertat nga pretendentë të tjerë.

Gjigantët katalanas po planifikojnë të nënshkruajnë me sulmuesin e Atletico Madridit, Julian Alvarez, në verë, me marrëveshjen që pritet të kushtojë më shumë se 100 milionë euro. Largimi i Lewandowskit do të krijojë hapësirë në buxhetin e tyre të fryrë të pagave.

Për Milanin dhe Juven, paga e lartë e sulmuesit polak mbetet një pikë ngërçi. /Telegrafi/