Ditën e djeshme (e diel) Ministria e Shëndetësisë sipas të dhënave nga Instituti Kombëtar i Shëndetësisë Publike të Kosovës informoi se nga 11.017 testime, 1.630 qytetarë rezultuan pozitiv me COVID-19.
MSH po ashtu bëri të ditur se u shënuan edhe 36 raste të vdekjes.
Lidhur me këtë një reagim së fundmi e ka bërë edhe këngëtarja shqiptare, Leonora Jakupi.
Ajo ka ndarë një postim në InstaStory teksa ka etiketuar numrin e personave të vdekur, që njëherësh thyen rekordin e kësaj periudhe të pandemisë.
“Na mbroj Zot nga e keqja”, ka shkruar ajo.
Në 24 orët e fundit në anën tjetër janë dhënë 11.458 doza të vaksinës kundër coronavirusit.
Për situatën e rënduar me virus nga sot kanë filluar masat e reja, në të cilat përfshihet edhe ora policore.
Gjithashtu, nga sot gastronomia do të punojë deri në ora 21:30 dhe në ambiente të hapura. /Telegrafi/