Këngëtarja e njohur shqiptare, Leonora Jakupi, ka bërë të ditur se i ka marrë të dy dozat e vaksinës kundër coronavirusit.
Ajo publikoi në InstaStory një imazh nga momenti i marrjes së vaksinës anti-COVID në qendrën e vaksinimit në sallën “1 Tetori” në Prishtinë.
Ajo ka pozuar pranë infermierëve që po shërbejnë në këtë qendër të vaksinimit, duke i falënderuar për punën e bërë.
“Doza e dytë u krye! Faleminderit stafit të mrekullueshëm të qendrës për vaksinim 1 tetori", ka shkruar Jakupi në InstaStory.
Leonora duket se është një nga këngëtaret që po i bashkohet kauzës së ndërgjegjësimit për mos-neglizhimin e procesit të marrjes së vaksinës.
Javë më parë edhe Ministria e Shëndetësisë nisi një kampanjë vetëdijësuese, duke përdorur fytyra publike për t’iu kërkuar njerëzve që të vaksinohen kundër COVID-19, në mënyrë që të jenë më të sigurt. /Telegrafi/