Lucas Leiva nuk shqetësohet nëse Lazio përfundon në katër vendet e para në Serie A ose fiton Ligën e Evropës, për sa kohë që ata kualifikohen në Ligën e Kampionëve sezonin e ardhshëm.
Lazio janë aktualisht të pestit në Serie A pas një fitore të thellë 6-2 ndaj Beneventos në pasditen e së shtunës.
Klubi italian do të përballen me RB Salzburg në çerekfinale të Ligës së Evropës dhe përveç Serie A edhe kjo garë mund t'i kualifikon në Ligën e Kampionëve.
Mesfushori brazilian i Lazios, Leiva ka thënë se nuk prish punë se cila garë do të kualifikonte në Ligën e Kampionëve, pasi me rëndësi është të jenë aty.
"Të gjitha skuadrat në garë janë të forta. Duhet vetëm të fitojmë tetë ndeshjet e mbetura dhe pastaj të shohim se ku jemi në tabelë", ka thënë fillimisht Leiva për gazetën Il Messaggero.
"Serie A mund të na çojë në Ligën e Kampionëve ose të fitojmë Ligën e Evropës".
"Kështu që është e njëjta gjë për sa kohë që ne kualifikohemi për sezonin e ardhshëm".
"Tifozët janë të pasionuar dhe mbështetës të fortë, kështu që ne do të vazhdojmë me tifozët tonë pas nesh", përfundoi mesfushori brazilian. /Telegrafi/