Kthesë e re për P Diddy-n: Data e lirimit të reperit nga burgu është shtyrë përsëri

Reperi dhe producenti amerikan Sean Diddy Combs ishte planifikuar të lirohej më 5 shkurt 2028, sipas informacioneve të fundit nga burgu në Fort Dix, New Jersey.

Qendra Federale Korrektuese e Fort Dix tha se data e lirimit të tij është ndryshuar përsëri.

Më herët, Page Six njoftoi se në korrik data ishte zhvendosur me një muaj, nga 23 shkurti 2028 në 24 janar 2028, pas një konflikti me një të burgosur tjetër, ndërsa në fillim të këtij muaji, faqja e internetit e agjencisë deklaroi se ai duhet të lirohej nga burgu më 20 shkurt 2028.

TMZ raportoi në korrik se Combs, 56 vjeç, u përfshi në një konfrontim të nxehtë verbal dhe fizik pasi një i burgosur tjetër e fyeu. Burime të shumëfishta thanë se të burgosurit në Fort Dix u shtynë dhe u grindën dhe u ndanë nga stafi i burgut. Pas kësaj, Combs u vendos në izolim, nga i cili u lirua në gusht.

Byroja Federale e Burgjeve nuk donte të diskutonte detaje.

“Për shkak të privatësisë, sigurisë dhe mbrojtjes, ne nuk publikojmë informacione rreth kushteve të paraburgimit të asnjë të burgosuri, përfshirë orarin e akomodimit, as nuk flasim nëse një i burgosur i caktuar është subjekt i akuzave, hetimeve apo sanksioneve”, deklaruan ata në një njoftim për shtyp.

P Diddy u dënua korrikun e kaluar për dy akuza për transportim me qëllim prostitucioni, ndërsa u lirua nga dy akuza për trafikim seksual me forcë, mashtrim ose shtrëngim dhe për akuzën e komplotit për shantazh.

Ai u dënua me 50 muaj burg dhe u transferua nga Qendra Metropolitan e Paraburgimit në Brooklyn në Fort Dix. Përveç kësaj, ai ende përballet me dhjetëra padi që përfshijnë akuza për sulm seksual, përdorim droge dhe trafikim qeniesh njerëzore, ndërsa ai mohon çdo keqbërje. /Telegrafi/