Konkurrenca e femrave, sfida interesante në Kupën e Kosovës
13/12/2019
Gjatë fundjavës do të zhvillohen dy duele shumë interesante në Kupën e Kosovës në basketboll në konkurrencën e femrave.
Penza pasi ka mundur Sferën me rezultat bindës 70-34, do të përballet me Dritën që garon në Ligën e Parë të Femrave.
Ndërkohë, Trepça që ka eliminuar United Basketball me rezultat 65-43 do të ndeshet me Kastriotin, në një sfidë shumë interesante, thuhet në njoftimin e FBK-së.
Skuadrat që fitojnë në këtë xhiro sigurojnë gjysmëfinalen, aty ku do të përballen me Bashkimin, përkatësisht Mabetex Prishtinën.
Xhiroja e tretë:E shtunë 16:00 Drita - Penza
E diel 12:00 Kastrioti - Trepça