10/05/2018
Policia e Kosovës ka konfirmuar arrestimin e aktorit Mensur Safqiut, i njohur për publikun me shumë role te "Stupcat".
Zëdhënësja e Policisë, e kontaktuar nga Telegrafi, Flora Ahmeti ka konfirmuar arrestimin e aktorit.
Megjithatë Ahmeti nuk ka dhënë shumë detaje rreth rastit pasi që "axha Shneq" është duke u intervistuar.
“Është arrestuar një person dhe policia është duke e intervistuar. Nuk e di nëse do të hapet ndonjë rast për të”, tha ajo.
Në fotografitë e siguruara nga KosovaPress shihet se ngjarja ka ndodhur në rrugën “Naim Frashëri”, ku policia kishte bllokuar rrugën për ta kontrolluar veturën e aktorit. /Telegrafi/
