Kolonë deri në 2 kilometra, pritje të gjata nëpër pika kufitare

Bashkatdhetarë të shumtë edhe për këto festa të fundvitit kanë marrë rrugën për në vendlindje. Por diasporës kosovare për të hyrë në Kosovë po i duhet të presin në pikat kufitare.

Në hyrjen e pikës kufitare në Jarinje qytetarët po presin deri në katër orë e kolonat janë bërë deri në 2 kilometra.

Ndërsa në pikën kufitare Dheu i Bardhë qytetarët po presin për të hyrë në Kosovë për më shumë se dy orë.

Pritje të gjata janë edhe në Merdar, e Muçibabë. Kështu bëhet e ditur nga Qendra Kombëtare për Menaxhim Kufitar.