Jurgen Klopp është në kontakt të ngushtë me përfaqësuesit e Timo Werner, në përpjekje për transferimin e futbollistit gjerman gjatë verës që vjen.
Trajneri i Liverpoolit është një admirues i futbollistit ofensiv të Red Bull Leipzigut, i cili ka thënë se është hapur për t'u larguar nga klubi aktual.
22-vjeçari pritet ta udhëheqë sulmin e Joachim Low për Gjermaninë në Kampionatin Botëror në Rusi, prandaj dëshiron që e ardhmja e tij të sigurohet sa më herët.
Dhe sipas Bild, Klopp është në kontakt të vazhdueshëm me agjentin e tij për realizimin e transferimit që mund të kushtojë 87.5 milionë funte (100 milionë euro).
Liverpooli tashmë e ka siguruar transferimin e Naby Keitas nga klubi i Bundesligas, mirëpo dëshiron që edhe bashkëlojtari i tij të kalojë në Anfield.
Sidoqoftë, vet Werner ka thënë se Leipzigu nuk do ta shesë në afatin e ardhshëm kalimtar.
"Nuk kam dashur të sqaroj asgjë, vetëm të përsëris atë që tashmë e ka thënë drejtori ynë sportiv, Ralf Rangnick, se ai nuk të më lejojë të largohem gjatë verës, edhe në se unë dua", ka thënë lojtari për Kicker. /Telegrafi/