Kim Kardashian ka përdorur inteligjencën artificiale për t’i bërë një homazh të ndjerë babait të saj të ndjerë, Robert Kardashian, plot 22 vjet pas vdekjes së tij.
Në fotografitë e krijuara me AI, Robert – avokati i njohur që ndërroi jetë në vitin 2003 nga kanceri në ezofag në moshën 59-vjeçare - shfaqet me një kostum elegant të zi, ndërsa Kim, 44 vjeçe, shihet pranë tij me një kapele dhe mantelin e diplomimit në ngjyrë bezhë, shkruan DailyMail.
Ky tribut virtual vjen vetëm disa muaj pasi themeluesja e SKIMS përfundoi “Law Office Study Program” në maj, një hap i madh drejt ëndrrës së saj për t’u bërë avokate – ashtu si babai i saj.
Fotografia ka ngjallur emocione të forta, pasi Kim ka shprehur disa herë se do të kishte dashur që babai i saj të ishte i pranishëm në ceremoninë e diplomimit për ta duartrokitur.
Në një tjetër imazh të krijuar nga AI, Kim shfaqet si fëmijë – e veshur me një fustan rozë dhe me fjongo në flokë – duke buzëqeshur krah vetes së saj aktuale, si një përqafim i ndjerë midis të kaluarës dhe së tashmes.
Në një foto tjetër, ajo publikoi edhe një imazh ku vajza e saj 12-vjeçare, North West, shfaqet pranë saj si adoleshente, e krijuar gjithashtu përmes inteligjencës artificiale.
Në mbishkrimin e postimit, Kim shkroi: “Ky trend i AI mund të jetë i preferuari im”.
Madje edhe llogaria zyrtare e Photoshop reagoi në komente duke shkruar: “Këto janë kaq të veçanta”.
Postimi i saj ka arritur gati një milion pëlqime nga mbi 354 milionë ndjekësit që ajo numëron në Instagram.
Ky publikim vjen pas intervistës së saj në podcastin “Call Her Daddy” me Alex Cooper, ku Kim foli hapur për jetën e saj personale dhe martesën me Kanye West.
Ajo pranoi se edhe pse ndihet mirë me statusin e saj si beqare, vajza e saj North e ka nxitur që të gjejë një të dashur. “Ajo më tha se po shtirem sikur jam mirë, dhe se ndoshta natën qaj fshehurazi,” rrëfeu Kim me humor. “Madje më tha: ‘Është koha të ecësh përpara. Tani duhet të kesh një të dashur’”.
Kim dhe Kanye u martuan në Itali në vitin 2014, më pak se një vit pasi lindi vajza e tyre North. Çifti kanë gjithsej katër fëmijë: North (12 vjeçe), Saint (9), Chicago (7) dhe Psalm (6).
Përpara Kanye-t, Kim ishte martuar me producentin Damon Thomas (2000–2004) dhe më pas me basketbollistin Kris Humphries në vitin 2011, martesë që zgjati vetëm 72 ditë.
Pas divorcit me Kanye, ajo pati një lidhje të shkurtër me aktorin e humorit Pete Davidson. Tani, Kim thotë se ndihet plotësisht e qetë duke qenë vetëm:
“Jam beqare dhe ndihem shumë mirë kështu. Kam fëmijët për t’u rritur dhe një jetë që kërkon vëmendjen time të plotë. Fëmijët më duan pranë, ndaj nuk di si do të mund ta shtoja dikë tjetër në këtë fazë. Nuk po kërkoj asgjë tjetër tani”. /Telegrafi/