10/11/2019
Sulmuesi shqiptar i Baselit, Kemal Ademi ka gjetur përsëri golin në fitoren e Baselit kundër Luganos.
Baseli ka arritur të fitojë me rezultat të thellë 3-0 ndeshjen e tyre në udhëtim te Lugano në kuadër të javës së 14-të në Superligën e Zvicrës.
Njëri nga më të rëndësishmit në këtë fitore të mysafirëve padyshim se ishte sulmuesi shqiptar, Kemal Ademi.
Ademi arriti të shënojë golin e parë të ndeshjes duke u kaluar Baselin në epërsi 1-0.
Goli i 23-vjeçarit erdhi në minutën e 13-të pas asistimit të Valentin Stocker.
Ky ishte goli i tetë i Ademit nga 14 ndeshje të zhvilluara deri më tani këtë sezon.
Në këtë ndeshje për Baselin luajtën edhe Edon Zhegrova për 84 minuta dhe Taulant Xhaka për 74 minuta. /Telegrafi/