Këngëtarja e njohur, Katy Perry, është duke mahnitur me pamjen teksa është në javët e fundit para lindjes të fëmijës së parë.
35-vjeçarja është në pritje të ëmbël së bashku me të fejuarin e saj Orlando Bloom, shkruan Mirror.
Katy është njëra nga artistet, e cila mori pjesë në një koncert virtual përmes platformës YouTube, që ishte organizuar për të festuar diplomimin e studentëve në vitin 2020.
Pandemia coronavirus ka bërë që shumica e kolegjeve të mos festojnë diplomimin e tyre, kështu që Katy iu bashkëngjit Lady Gagas dhe Barack Obamas në shpërndarjen e mesazheve frymëzuese.
Ajo performoi këngën e saj të fundit “Daisy”, por ishte paraqitja fizike ajo që fansat komentuan në rrjete sociale.
Në një postim në rrjetin social Instagram, Katy shkroi: "Shpresoj që në mesin e këtyre gjërave që janë duke ndodhur, ndajeni një moment dhe festoni diplomimin".
“Ju jeni e ardhmja, dhe e di që ju do të përdorni gjithçka që keni mësuar për ta bërë botën një vend më të mirë”.
Ndërkaq, 36-vjeçarja ka theksuar se nuk do të ndalet së prodhuari muzikë deri në momentin kur ajo do të dërgohet në spital për lindje. /Telegrafi/