“Kafshimi i dashurisë” dyshohet të jetë shkaktari i vdekjes së adoleshentit

Julio Macia Gozales nga Meksika ka vdekur si pasojë e sulmit në tru, që besohet të jetë shkaktuar nga kafshimi në qafë që ia ka bërë e dashura.

Ekspertët supozojnë se kafshimi i ka bërë mpiksen e gjakut, që më pas ka lëvizur duke i shkaktuar bllokimin e venave të 17-vjeçarit, transmeton Telegrafi.

Në anën tjetër, e dashura tij 24-vjeçare është zhdukur pa gjurmë, duke rritur edhe më shumë dyshimet për diçka të qëllimshme.

Kafshimet e dashurisë, ndodhin kur njëri nga partnerët e kafshon tjetrin në qafë dhe ia përthithë lëkurën derisa ia shpërthen kapilarët e gjakut, duke i shkaktuar plagë të përkohshme.

Por, ka raste kur këto kanë qenë fatale dhe e kanë quar viktimën drejt vdekjes.

Gjatë vitit të kaluar, një grua 44-vjeçare nga Zelanda e Re ka mbetur pjesërisht e paralizuar, shkaku i këtyre kafshimeve që ia kanë bllokuar gjakun dhe i kanë lëvizur deri në zemër. Mirëpo, pas një kohë ajo është shëruar dhe gëzon shëndet të plotë. /Telegrafi/